Ab mere, sirf mere ho ke raho.



Apni khatir jaggay ho, soye ho

Apni khatir hansay ho, roye ho

Kis Liyye aaj khoye khoye ho

Tum ne aanso buhat piyye apnay

Tum buhat saal reh liyye apnay

Ab mere, sirf mere ho ke raho



Husn hi husn ho, zahannat ho

Ishq hoon main, to tum mohabbat ho

Tum meri bas meri amaanat ho

Ji Liyye , jis qadr jiyye apnay

Tum buhat saal reh liyye apnay

Ab mere, sirf mere ho ke raho



Rehtay ho ranj-o-gham ke gheron main

Dukh main, aaseb ke baseron main

kaisay chorron tumhay andheron main

Tum ko de doon ga sub diyye apnay

Tum buhat saal reh liyye apnay

Ab mere, sirf mere ho ke raho



Tum azzal se dukhon ke derray ho

Chahay khud ko ghamon se gheray ho

Jab se paida hua ho mere ho

Aaj kholain ge lab siyye apnay

Tum buhat saal reh liyye apnay

Ab mere, sirf mere ho ke raho



Abb mujhay apnay dard sehnay do

Dil ki har baat dil se kahnay do

Meri baahon main khud ko behnay do

Muddaton zakhm khud siyye apnay

Tum buhat saal reh liyye apnay

Ab mere, sirf mere ho ke raho


-Wasi Shah


Dedicated to "."
Ab mere, sirf mere ho ke raho.

2 comments:

Dinaa said...

thats beautiful larki :P

Anonymous said...

very nice wording marvlous